do not disturb my thinking at this moment,
and do not call me to look anywhere,
today my heart is driving me to go,
until a quiet creek, far away.

Bro

no pori mi prakseri noyaso,
no kari mi fu luku no wan pe,
tide mi ati trusu mi fu go
te na wan tiri kriki farawe.

no tak’ na lon mi wani lon gowe
fu di mi frede strei èn krei nomo,
ma kondre b’bari lontu mi so te,
san mi mu du, mi brudu wani bro.

na kriki-sei dren kondre mi sa si,
pe alasani moro swit’ lek dya
èn skreki-tori no sa trobi mi.

te m’drai kon baka sonten mi sa tron
wan p’kinso moro betre libisma,
di sabi lafu, sabi tya’ fonfon.

–

Poetry: Trefossa (Henri de Ziel).
Edited by Dave MacDonald & Robin van Geerke
Piano: Robin van Geerke
Vocal: Norman van Geerke